ମାଳି ବସ୍ତିରେ ପ୍ରଧାନମନ୍ତ୍ରୀଙ୍କ ‘ମନ୍ କି ବାତ୍’ କାର୍ଯ୍ୟକ୍ରମ ଅନୁଷ୍ଠିତ
ଭୁବନେଶ୍ୱର, ୨୭/୦୯ : ସ୍ଥାନୀୟ ୟୁନିଟ୍-୩ ସ୍ଥିତ ମାଳି ବସ୍ତିଠାରେ ଆଜି ପୂର୍ବାହ୍ନ ୧୦.୩୦ ମିନିଟ୍ ସମୟରେ ମାନ୍ୟବର ପ୍ରଧାନମନ୍ତ୍ରୀଙ୍କ ‘ମନ୍ କି ବାତ୍’ ଲାଇଭ୍ କାର୍ଯ୍ୟକ୍ରମର ମିଳିତ ଶ୍ରବଣ ଉତ୍ସବ ସଫଳତାର ସହ ଅନୁଷ୍ଠିତ ହୋଇଯାଇଛି।
ଏହି ବିଶେଷ କାର୍ଯ୍ୟକ୍ରମରେ ବିଜେପିର ପୂର୍ବତନ ରାଜ୍ୟ ସଭାପତି ଶ୍ରୀଯୁକ୍ତ ସମୀର ମହାନ୍ତି ଏବଂ ରାଜ୍ୟ ବିଜେପି ବସ୍ତି ସେଲ୍ର ସଂଯୋଜକ ଶ୍ରୀଯୁକ୍ତ ଅଜିତ ଦାସ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ। କାର୍ଯ୍ୟକ୍ରମର ସଫଳ ଆୟୋଜନ କରିଥିବା ହିନ୍ଦୁ ସୁରକ୍ଷା ବାହିନୀ, ଭୁବନେଶ୍ୱର ଜିଲ୍ଲାର ସାଧାରଣ ସମ୍ପାଦକ ଶ୍ରୀଯୁକ୍ତ ବୁଦ୍ଧଦେବ ଦାସଙ୍କ ସମେତ ସଂଗଠନର ରାଜ୍ୟ କାର୍ଯ୍ୟକାରୀ ସଭାପତି ଶ୍ରୀଯୁକ୍ତ ଶରତ ଚନ୍ଦ୍ର ନାୟକ, କୋଷାଧ୍ୟକ୍ଷ ଶ୍ରୀଯୁକ୍ତ ରୋହିତ କୁମାର ନାୟକ, ବରିଷ୍ଠ ସଭ୍ୟ ଶ୍ରୀଯୁକ୍ତ ପ୍ରେମାନନ୍ଦ ପରିଡ଼ା, ହିନ୍ଦୁ ସୁରକ୍ଷା ବାହିନୀର ରାଜ୍ୟ ସମ୍ପାଦକ ଶ୍ରୀଯୁକ୍ତ ପ୍ରଭାତ କୁମାର ବାରିକ ଏବଂ ମିଡିଆ ସେଲ୍ର ଶ୍ରୀଯୁକ୍ତ କବିରାଜ ପାତ୍ର ପ୍ରମୁଖ ଉପସ୍ଥିତ ଥିଲେ।
ଏଥିସହିତ ଜଣାଶୁଣା ସମାଜସେବୀ ଶ୍ରୀମତୀ ସ୍ୱର୍ଣ୍ଣଲତା ମହାସୁଆରଙ୍କ ସମେତ ବହୁ ସଂଖ୍ୟାରେ ବସ୍ତି ନେତା ଓ ସ୍ଥାନୀୟ ଜନସାଧାରଣ ଏକତ୍ରିତ ହୋଇ ପ୍ରଧାନମନ୍ତ୍ରୀଙ୍କ ଦେଶବାସୀଙ୍କ ଉଦ୍ଦେଶ୍ୟରେ ଥିବା ବାର୍ତ୍ତାକୁ ଶୁଣିଥିଲେ। ଏହି ସମ୍ପୂର୍ଣ୍ଣ କାର୍ଯ୍ୟକ୍ରମକୁ ଶ୍ରୀଯୁକ୍ତ ଅଜିତ୍ ଦାସ ଓ ଶ୍ରୀଯୁକ୍ତ ବୁଦ୍ଧଦେବ ଦାସ ଅତି ସୁଚାରୁ ରୂପେ ପରିଚାଳନା କରିଥିଲେ। ଏହି ଉତ୍ସର୍ଗୀକୃତ ପ୍ରୟାସ ଓ ସୁନ୍ଦର ଆୟୋଜନ ପାଇଁ ସ୍ଥାନୀୟ ବସ୍ତି ସଂଘ ପକ୍ଷରୁ ଉଭୟଙ୍କୁ ଉଚ୍ଚ ପ୍ରଶଂସା କରାଯିବା ସହ ସାଧୁବାଦ ଜ୍ଞାପନ କରାଯାଇଛି।